Teen Age Me Girls Rakhe Apna Kuch Khas Khayal – Khoobsurat World

Teen Age Me Girls Rakhe Apna Kuch Khas Khayal

Teen Age Me Girls Rakhe Apna Kuch Khas Khayal

Girls ke liye teen-age bahut hi mayne rakhta hai kyuki iss umer me wah apni body me kai trah ke sharirik aur mansik badlavo ko dekhti hai aur yah badlav 11-14 saal ki umer se hi shuru ho jate hai jisse har ek ladki ko guzarna padta hai. Unhi me se ek aur khas badlav hai period (मासिक धर्म)  yah unke life aur unke khan pan ko puri trah se badal deta hai aur ismein huyi jara si galti bhi unke jevan par parbhav dhalti hai. Aksar dekhne ko milta hai ki zero figure ki chah me ladkiya diet ki traf rukh kar leti hai aur uski wajah se unka period time kharab hone lagta hai. Isliye ek maa ke liye yah bahut zaroori hai ki beti ke iss umer me unka khaas khyaal rake.

Ab baat ati hai period ko lekar ladki ke dimaag me aane wale sawalo ki joki aksar teen age me ladkiyo ke dimaag me aate hai aur ek trah se dekha jaye to yah aam baat hai….

What is period?? Period Kya Hota Hai:

care is important for girls

Period ko normal bhasha me hum mahwari yaa masik dhrm kahte hai. Joki ladkiyo ki body me hone wali ek normal gatividhi hai. Kishori awastha me body me huye kuch hormone changes ki wajah se yah hota hai. Jab ek ladki paida hoti hai tab uski ovaries me kai sare ande maozood hote hai. aur isi wajah se kishor awasta me huye kuch sharirk badlav ki wajah se ek maah ke chakr ke daoraan ek anda viksit hokar release hota hai. Joki jab tak pregnancy na hone par blood yaa tissue ke roop me bahar nikalte hai. jise hum period kahte hai. Yah har mah hone wali parkirya hai. jisse darne ki zaroorat nahi… 

Read also: Body Ko Fit Rakhne Ke Liye Tips and Tricks

Read also: Castor Oil Benefits For Hair And Skin In Hindi

Period Kitne Din Chalta Hai:

girls period problem and solution

Yah 2-7 din ke liye hota hai joki normal hai. Zaroori nahi ki yah har ladki me samanye roop se ho, kisi ko yah 2-3 din ke liye hota hai to kisi ko hafte bhar yah khan pan aur sharirk vikas par nirbhar hai. ek period se dusare period ke beech ka gap 28-30 dino ka hota hai. Agar kisi ke iss masik chakr mre kisi trah ka aasamany badlav aaye to yah chinta ki baat ho sakti hai jiske liye aap ko doctor ki salah ki zaroorat bhi pad sakti hai. agar yah 21-35 din aage nikal aaye to chinta ki baat nahi lekin usse jayada hone par maa ke liye yah zaroori hai ki apni bitya ka khaas khyaal rakhe.

Read also: Wajan Ghatane Ke Liye Bahut Faydemand Hai Honey

Period Me Rakhe Khan-Paan Ka Khyaal:Diet-For-Teenage-Girls

kai ladkiyo ke dimaag me perioud khrab hone par yah sawal bhi uthte hai ki period kaise thik kare… in dino aap ke liye yah bahut zaroori hai ki aap apne khan pan ka khas khayal rakhe. Apne khane me protein, vitamin, calcium aur O-mega 3 acid jaisi chijo ko shamil kare. Isse body growth me aasani hoti hai.

Doctor ke mutabik iss daoran 4-5 din me ladkiyo ke body se 50-80 gram blood nikal jata hai. Aise hone par iska asar hamari body aur agale maah hone pale period par padta hai. Iss kami ko pura karne ke liye iron aur protein ukat healthy food khaye. for example: patte dar sabjiya, fruit aur gud aaadi jaisi chije joki sehat ke liye achchi hai. Agar bleeding jayada ho to doctor ki salah par iron ki goliya bhi le sakti hai.

Period ke daoran yah bahut zaroori hai ki aap rooz 10-12 glass pani piye, paani pine se body me sujan nahi aati aur period ke daoran hone wale pet ke dard se bhi  aaram milta hai. thakavat aur bhi kai samsyao se nizat milti hai.

Read also: Height Badhane ke Aasan Tarike

Adhyaan se pataa chala hai ki jo mahilaye rooz 6 gram fish oil khane me leti hai unke period kafi achche hote hai. Machli ke alwa aap Omega-3 ko bhi le sakti hai yah fish oil ke bane hote hai joki period ke daran kafi madad karte hai. iss daoran aap ko chay yaa coffee jaisi chijo se doori rakhni chahiye.,

Fruits ko daily food me add kare yah har trah se bady ke liye zaroori hai skin ke liye bhi iske kai fayde hai.

Read also: Wajan Badhane Ka Aasan Tarika

Period me pet dard ke upay:period problem girls

  • Hot water bag se sikaayi kare, garam taoliye ko bhi istmaal kar sakti hai.
  • Thore garam pani se nahaye isse period me aasani hoti hai aur dard bhi kam hota hai.
  • Pet par halke haatho se 10-15 minute malish kare yah bhi aap o thora aaram pahuchata hai. aur isse sujan bhi kam hoti hai aap iske liye nariyal tail yaa jaitun tail ka istmaal kar sakti hai.
  • Raat ko sote waqt guthne ke niche takiya rakh kar soye.
  • Adrak aur shahed ki chay piye lekin zayada nahi thori si,,, pani piye aur ho sake to adarak haye.
  • Pyaj ka ras aur shahed mila ar le yah bhi kaafi faydemnd hai.
  •  Kesar dudh bhi aaram deta hai.

To yah rahi shurati period se judi kuch khas bate jo ki maa ke liye zaroori hai ki apne bachcho ko iss umer me bataye, yah unke liye thora mushkil hota hai lekin unhe iss bare me janne aur ise sajhne ke liye thora waqt dein, ladkiyo ke liye yah bahut zaroori hai ki wah apna khaas khyaal rake aur apni health ko khrab na kare.

Main ummeed karti hu ki aap ko hamara aaj ka yah post pasand aayaa hoga. Thank you.

Leave a Reply

Your email address will not be published. Required fields are marked *