Janiye Ghar Par Hi Shampoo Banane Ka Tarika – Khoobsurat World

Janiye Ghar Par Hi Shampoo Banane Ka Tarika

natural-diy-homemade-shampoo-chemical-free-ingredients

Bahar ke chemical shampoo ka istemaal kar agar aap ke baal din ba din bezan hote ja rahe hai to aap herbal shampoo ka istemaal kare. Yah homemade shampoo aap ke baalo ko kisi bhi trah se koi hani nahi pahuchahyega aur aap ke baal ki khoobsurati ko bhi banaye rakhega. Main yah maanti hu ki Other shampoo ke mukablein  natural shampoo ka asar dhire dhire hota hai lekin iska asar aap ke baalo ko lambe time tak dikhayi dega, To chaliye ab hum jante hai hai ghar par shampoo banane ka tarika: 

Read also: Makeup Karte Waqt Hum Kaun Kaun Si Galti Karte Hai

घर पर शैम्पू बनाने का तरीका (How To Make Shampoo At Home Naturally)

Shampoo Banane Ki Samagri:
  • Methi dana- 2 tsp
  • Green Tea- 2 tsp
  • Kari patta- 10-15
  • Triphala powder-2 tsp
  • Vitamin E oil yaa aap chahe to coconut oil bhi istemaal kar sakti hai.
  • Bharng Raj ( False Daisy powder)- 2 tsp
  • Hot water-2 cup

Read also: Galat Shampoo Ke Istemaal Se Baalo Me Hone Wale Rog

Shampoo Banane Ki Vidhi In Hindi:

Ise banane ke liye sabse pahle garam pani me 2 tsp green tea aur 10-15 patte kari patti ke daale. Iske baad ise 5 minute tak achche se garam kare jisse iska sara ras apas me mil jaye. gas band kare aur iske thnde hone se pahle ismein 2 tsp methi dana, 2 tsp bharng Raj ke aur 2 tsp Triphala powder ki milaye. Ab in sabhi ko achche se mix kar ise raat bhr ke liye achchi trah se dhak kar rakh dein. Ek khaas baat hai jo main aap ko batana chahugi aur wah yah ki agar aap iska ek behtr result chahte hai to ise kisi lohe ke bartn me kare. yah bahut hi jyada asrdar banegi.

Raat bhr rakhne ke baad subah me ise achchi trah se chhan lein aur iska sara pani alg kar dein ab aap ko ismein vitamin e ka tail yaa nariyal ka tail milana hai. Aur bas aap ka shampoo taiyaar hai. Ismein Chemical na hone ki wajah se ismein jhhaag to nahi aayega lekin iska asar aap ko apne baalo me zaroor dikhayi dega. Yah baalo ko mulayam aur dandruff free banane me kafi asar dar hai.

Read also: Nail Art Step by Step In Hindi

Aur agar aap ko ismein jhaag chahiye to aap ismein ritha powder bhi mila sakte hai. yaa phhir aap ki ichcha ho to aap ismein baby wash bhi add kar sakte hai isse bhi yah jhag dega.Baalo me shampoo kasise lagaye

ISe kaise istmaal kare:

Jab bhi aap iss shampoo se apne baal ko dhoye to ise 2 baar lagaye yani ek baar baal ko dhone se pahle jab aap ke baal sukhe ho to isse scalp tak maish kare taki yah achche se baalo me mil jaye. aur dusra jab aap naha rahe ho tab ise laga kar 5 minute tak malish kare taki aap ke baalo me yah achche se mix ho jaye, Jaise ki aap janti hai ki yah puri trah herbal hai isliye aap ko yah karna padega. phhir ise dhole.

Ise aap 20-30 dino tak sambhal kar rakh sakte hai, ise achche se rakhne ke liye aap freeze ka istmaal kare yah waha kafi time tak safe rahegi. Yah Shampoo har age ke loog bachche yaa budhe use kar sakte hai.

Read also: Apne Face Ko Glowing Banane Ke Liye Apnaye Yah Beauty Tips

Dandruff Hone Par Kya Kare:

Agar aap ko dandruff ki shikayat hai to aap ise sukhe baalo me istemal karte waqt ismein 2 tsp dahi mix kar lein aur phhir ise achche se masage kare aur nahate waqt shampoo lagate samye nimbu ka ras mila kar istemal kare aap ki dandruff ki samsya door ho jayegi 🙂

To yah rahi Shampoo Banane ki vidhi, Main ummed karti hu ki ki aap ko hamari homemade shampoo pasand aayi hogi. Yah puri trah se harbel hai isliye aap iss natural shampoo ko daily bhi use kar sakte hai. Hamare aaj ke iss Post ko like & share zaroor kare. Iske saath hi apne sujhav bhi aap hamein comment section me bata sakte hai. Aap chahe to famein follow bhi kar sakte hai. Link aap ko uper yaa niche mil jaye.

Thank you

Leave a Reply

Your email address will not be published. Required fields are marked *