Makeup Product Kab badle. – Khoobsurat World

Makeup Product Kab badle.

when to change your makeup

Chahre ko khoobsurat banane ke liye makeup bahut zaroori hai. Lekin kabhi-kabhi yahi makeup product hamari skin ko kharab bhi kar sakte hai. Isliye ise waqt rahte badalna bahut zaroori hai. Kyoki jaise baki chijo ki expiry date hoti hai waise hi cosmetic bhi time rahte purana ho jata hai, iska bhi ek nishchit time hota hai. Jiske baad bhi yadi aap in product ko use karte hai to yah aap ki skin ke liye bilkul sahi nahi. Natiza, Yah aap ki skin damage kar sakti hai. Aise me zaroori hai ki aap samaye rahte purane ho chuke apne makeup product ko badal dein. Ab hum baat krege ki aakhir kaon se Makeup product, kab expire ho jate hai yaa unka istmal karna hum kab band kar dein.

Makeup Step by Step (in Hindi)  

What happens if you use out of date makeup?

Time to change old Makeup product:

Foundation- Sirf perfect base-makeup ke liye apni skin ton se match karta foundation lene se hi kaam nahi chalega, balki iske saath yah bhi dekhna zaroori hai ki uski expiry date kya hai, Agar aap kabhi kabhar hi foundation ka istmal karti hai to jis mahine bhi aap foundation ka use kar rahi hai wah usi mahine yaa usse ek mahine hi purana ho. waise foundation ki age sirf ek saal ki hi hoti hai. yadi aap ke paas rakha Foundation 1 saal purana hai to iska istmaal bilkul naa kare.Yah aap ki skin ke liye bilkul achcha nahi hai.

Maskara- Eye makeup ko complete karne me maskare ka bahut haath ha, Lekin hamrai aankho ke makeup ko complete karne wala maskara 3 mahine se jyada nahi chalta. Isliye achcha yahi hai ki 3 mahine purane makare ka use bilkul na kare. kyoki isse aankho me jalan aur eye-infection hone ka darr rahta hai joki hamari aankho ke liye bilkul thik nahi.

Eye-liner- Liquide aur gel eye-liner ki expiry date 6 mahine ki hoti hai, Jabki pencil eye-liner 8 mahine chalta hai. Yadi aap ka liquide eye-liner 6 mahine se pahle hi sukhne lage to use badl dena hi sahi hai. Cosmatic ke sukhne ka yahi matlb hai ki wah kharab ho rahe hai.

Concealer- Concealer ka istmal hum bahut kam hi karte hai isliye Concealer ko khridte waqt uski expiridate zaroor dekhe aur koshish kare ki wah 1 mahine pahle hi bana ho yaa usse kam taki consiler ko kharidne ke baad aap uska istmal 1 saal tak kar sakein.

 Nail-polish- Koi bhi nailpaint ho, wah lag bhag ek saal tak to chalti hi hai. lekin kai baar hawa ke smpark me aane se wah jaldi bhi kharab ho jati hai isliye Nailpaint use karne ke baad usein achche se lock kare. Taki wah kafi time tak aap ke saath rahe.

Eye-shadow- Agar aap creem based eyeshadow ka use karti hai ,to iska use saalbhar tak asani se kar sakti haiaur yadi powder eyeshadow ka use to aap ise 2 saal se jyada istmal kar sakti hai. lekin yadiaap ek saath do colour ke eyeshadow apni aankho par apply karti hai to hamesha alg colour ke liye naye brush ka istmal kare kyoki isse eye infection hone ka darr rahta hai.

Lipstic- Lipstic ki umer sirf saal bhar ki hi hoti hai. phir chahe wah aap ki kitni bhi feavourite ho, uska istmal na kare. kyoki isse lips phatne lagte hai.

Lip glass- Lipstic ko final tuch dene me lip- glass ka bahut bada haath hai. Lip glass ka use aap 6 mahine tak kar sakti hai. Lekin tab jab wah botle me hai. tube lipglass saal bhr se jyada chalte hai.

Blusher- Blusher kii age baki product se kahi jyada lambi hoti hai aap blusher ka istmal 1 nahi balki 2 saal se bhi jyada kar sakti hai.isliye ise lekar aap nishchit ho jaye kyoki yah kai saal chalte hai.

Hair product- Shampoo, condishner aur dusare hair style product ko agar band  kar sahi trike se rakha jaye to yah saal bhar aaraam se chal sakte hai.

Aap ke liye sirf ek achcha Makeup product lena hi zaroori nahi balki time to time yah bhi check karna zaroori hai ki wah kahi expire to nahi ho raha, kyoki expire makeup product aap ki skin ko kharab bhi kar sakte hai.  Isliye hamesha apne makeup product ko dhyan se istmal kare. Aap ko hamara aaj ka yah post kaisa laga, yaa yadi aap ke paas iss post se related aur koi sujhav hai to aap hamein beshak bata sakte hai, hamein khushi hogi. iss post ko apna pyar dene ke liye aap chahe to shocial networking site par bhi share kar sakti hai, yaa hamein follow bhi kar sakti hai. Thank you so much…..

Leave a Reply

Your email address will not be published. Required fields are marked *