Korean Beauty- 10 Step Skin Care Routine Tips in Hindi – Khoobsurat World

Korean Beauty- 10 Step Skin Care Routine Tips in Hindi

korean 10 step skin care routine

Agar beauty ke baat kare to, korean apni beauty ka bahut khayaal rakte hai apne din ka aadha samaye wah apni face beauty ko hi dete hai, Aur shayad yahi wajah hai ki korea ki na sirf ladikiya balki ladke bhi duniya ke sabse khoobsurat chahro me gine jate hai. Logo ke anusaar korean bahut hi shant aur saral swabhav ke hote hai, shayad yah bhi ek wajah ho inki khoobsurti ki, kyoki kahte hai gussa insaan ko jaldi budha kar deta hai aur jo loog shant swabhav ke hote hai wah jyada dino tak jawa aur khoobsurat rahte hai. Isliye ek perfect skin pane ke liye zaroori hai ki tension free rahe.

Read also: Organic Facial Se paye ek Chamakti Tvacha

Korean logo ki skin bahut sensetive hoti hai isliye wah jayada makeup ka istmaal nahi karte. Aur yah sahi bhi hai,, skin par jayada makeup karne se bhi skin kharab hoti hai. Lekin iske saath hi Korean’s steam aur face mask jaisi chijo ko bhi bahut jayada istmaal karte hai taki inke istmaal se unke face ke dead skin clean ho sake aur unka face automatically glowing ho jaye.

Ab aap ka jayada waqt na lete huye, chaliye ab hum jante hai korean beauty tips ke bare me. jismein hum aap ko batayege k-beauty routine ke bare me,,,, ki wah kis trah se apni skin ko chamakdar banate hai:

K-beauty skincare routine 10 step:

korean 10 step skin care routine

1. Oil cleanser:

Oil cleanser har trah ki skin ke liye istmaal kiya ja sakta hai. Agar aap bhi apni din ki shuruaat me oil cleaser ka istmaal karegi to yah aap ke skin ko clean aur mulayam banayegi. iske saath hi yah aap ke face makeup ko bhi achchi trah se saaf kar dega.

Agar aap ki skin dry hai to yah aap ke liye ek perfect option hai. Agar mujhe ek gharelu cleanser ka chunav karna hoto main narial tail (Coconut oil) ka istmaal karna chahugi. Aap iski madad se apni skin ko clean kar sakti hai aankho ke niche agar aap ise rooz subah aur shaam ke waqt use karegi to yah aap ke dark circle ko bhi hatayegi. Aur agar ek Korean beauty product ki baat karu to Clean it zero ek betreen product hai.

2. Foam cleanser:

Foam cleanser ka istmaal sham ke waqt sone se pahle kiya jata hai. Yah skin se gandagi (dirt) aur pasine ko nikaal deta hai jisse ki aap ki skin mulayam aur dirt free ho jati hai. korean sone se pahle iska istmaal karna kabhi nahi bhulte wah apni makeup kit me ise zaroor rakhte hai.

3. Exfoliator (optional):

korean 10 step skin care routine

Exfoliator (optional) ka istmaal rooz nahi kiya jata. yadi aapki tvacha sensitive hai, to aap keval ek saptaah mein ek baar hi kare. yadi aap ki skin dry hai, to aap ise adhik niyamit roop se (saptaah mein lagabhag teen baar) istmaal kar sakate hain. Yadi korea ke kisi ek best Exfoliator ki baat kare to Neogen Bio-Peel Gauze Peeling Green Tea ek best product hai. skin ko clean karne ke liye.

4. Toner:

Toner ka istmaal hum skin ko moisturizes karne ke liye karte hai. yah skin ko ander tak saaf aur tanning ko bhi kam karne me aap ki madad karega. iska istmaal aap cleaser ke baad bhi kar sakte hai. hum yaha aaj Korean beauty aur product ki baat kar rahe hai, Whamisa Organic Flowers Deep Rich Essence Toner aap ke liye ek achcha option ban sakta hai. Aap iss link ki madad se ise aasani se paa sakte hai.

5. Essence:

Essence ka istmaal korean bahut karte hai, ek trah se kahe to yah korean skin ke liye unka heart hai jise wah istmaal karna kabhi nahi bhulte. Aap iske istmaal se apni skin ko naturally clean kar sakti hai yah aap ke skin ke dead sell ko saaf kar deta hai.

6. Serum:

korean 10 step skin care routine

korean ke anusaar iska istmaal karne se waykti kafi lambe smaye tak jawa aur khoobsurat rahta hai. Waise main aap ko bata du ki India me bhi serum ka istmaal kiya jata hai lekin face par nahi balki balo par koki iske istmaal se Baalo ki jade mazbut hoti hai serum yukt shmpoo baalo ko naturally conditioning karta hai. Lekin korean serum ka istmaal apni skin ko moisturize karne ke liye karte hai. Blossom Jeju Pink Camellia Soombi Essence Serum Korea ka ek prachalit serum product hai, Agar aap bhi khud ek korea beauty chahte hai to aap ise istmaal kar sakte hai. yah gel ki trah hota hai jise aap thode se hi me apni puri skin par aasani se phaila sakti hai. iska istmaal kar aap morning me hi khud ko khoobsurat mahsus  karegi.

7. Sheet mask:

korean 10 step skin care routine

Aap Mask ka istmaal essence ki jagah bhi kar sakti hai. korean mask ka istmaal apne face par sabse jayada karte hai aur iska use sirf waha ke aam loog hi nahi balki actor aur actress bhi bahut istmaal karte hai. Korea ke face mask product ki baat kare to Skinfood Hydro Fitting Snail Mask Sheet aap ke liye ek achcha option ban sakta hai. Yah ek vitamin c yukt fase mask hai. Iska istmaal aap raat ke waqt kar sakti hai yah aap ki skin ki dead sheet ko clean karta hai.

8. Eye cream:

Iska istmaal korean apni aankho ke aas paas ki suraksha ke liye karte hai. yah aankho ke niche ki dark circles aur blakness ko clean karta hai saath hi jhurriyo ko bhi aane se rokta hai.

9. Face cream:

Face cream skin ke liye bahut zaroori hai. yah ek trah se aap ki skin ki nami ko lock kar deta hai. Arthat aap ki skin iski wajah se mulayam aur dark free ho sakti hai korean aksar ise apne makeup kit me rakhna pasand karte hai. yah har trah aur umar ki skin ke liye hai.  Agar aap ise apne daily routine me shamil karegi to aap khud ko khoobsurat aur jawa banaa payegi. Korea ke face cream ke bare me kahu to aap Belif The True Cream Moisturizing Bomb ka istmaal kar sakti hai. yah raat ke waqt istmaal kare, aur subah khud ko behtar aur khoobsurat tvacha ke saath dekhe.

10. SPF:

korean 10 step skin care routine

Yah surye ki kirno se hamari tvacha ki raksha karta hai. Aur hamari skin ko mulayam banata hai yah har trah ke product me hota hai, phir chahe wah lip balm ho, foundation ho, yaa phir cream. korean ise apne saath rakhna nahi bhulte hai,, waha ki dhup bahut tez hoti hai jiski wajah se waha ke loog bahar nikalte waqt ise istmaal karna nahi bhulte. yadi main ek korean sunscream ki baat karu to aap Neogen Day-Light Protection Sun Screen ise apne makeup kit me shamil kar sakti hai. india me lotus sunscreen ka bhi istmaal kar sakti hai.

To yah rahi korean 10 step skin care routine se judi kuch khas bate jisme humne na sirf aap ko korea beauty tips ke bare me bataya balk Korea ke kuch behtreen beauty product se bhi rubroo karaya. jise aap India me aasani se Online magaa sakti hai. Iske liye bas aap ko Product name ke link par click karna hai aur aap ise aasani se yahi se dhud payegi.

Ek zaroori baat aap koi bhi product istmaal se pahli apni skin se related jaan le ki kya wah product jise aap apni skin par apply karne wali hai, wah aap ki skin ke liye bura to nahi…….

Read also: Bleach Karne ka Sahi Trika aur iske Fayde aur Nuksan

Ummeed karti hu ki aap ko hamari aaj ki yah tips pasand aayi hogi. Iss post se related koi bhi swal yaa phir yadi aap ko kisi trah ki beauty tips se related koi jankari chahiye ho to aap humein comment kar sakti hai. Aap ke swalo ka jawab de kar humein bahut khushi hogi. Iss ke saath hi hamare iss post ko apna pyar dene ke liye ise like aur share karna na bhule aur ise trah khoobsurat world ko apna pyaar dete rahe.

Have a nice day/ night,,, Thank you…..

Leave a Reply

Your email address will not be published. Required fields are marked *