Home Remedies for Dry and Frizzy Hair – Khoobsurat World

Home Remedies for Dry and Frizzy Hair

hair mask for frizzy hair homemade

Ek sunder aur ghane baal ki chahat kise nahi hoti, Har koi chahta hai ki uske baal ghane aur khoobsurat dikhe. Par badlte maosum aur chemical shampoo ki wajah se wah kharab aur rukhe ho jate hai, aur last me wah kamzoor hokar girne lagte hai…..

Isliye baalo ki khoobsurti banaye rakhne ke liye zaroori hai ki uski sahi se dekhbhaal ki jaye taki wah hamesha khooburat aur silky rahe, Achche baal pane ke liye loog kya se kya nahi karte, kabhi mahnge shampoo ka istmaal to kabhi doctor ki slaah par dawaiya lene se sirf unka time aur paisa hi barbaad hota hai. kai baar balo ko color karne ki wajah se bhi wah baal kharab hone lagte hai, jisse baalo ka rukha pan aur bhi bad jata hai.

Aaj kal aap dekhte hoge ki chhote se chhote bachcho ke baalo ka color bhi safed hone laga hai. iski wajah yah hai ki wah apne baalo me chemical yukt shampoo ka istmaal bahut zayada karte hai. Aaj yah problem har umar ki ladki aur ladke ko hai. jaise jaise unke baal rukhe hone lagte hai waise waise baalo ke girne ki problem bhi badhne lagti hai. Isliye aaj hum aap ke liye laye hai balo ka rukhapan dur karne ke gharelu upchar. jinki madad se aap apne baalo ko aasani se ghana aur chamakdar banaa payegi. to chaliye phir bina deri kiye jaante hai balo ki care kaise kare:

Read also: How to roll hair at home without rollers in hindi

Balo ke rukhepan ka karan:hair mask for frizzy hair homemade
  • Pollution ki wajah se
  • Balo me roller yaa curl machine ke istmaal se
  • Balo me jayada kanghi karne se jab wah gile ho
  • Balo par jayada color ke istmaal se
  • Garam pani se baal dhone par
  • Chemical yukt shampoo ke istmaal se

Read also: Balo ko Lamba Karne ke Gharelu tarike

Balo ka rukhapan kaise kam kare:

Pani ki madad se:

Balo ka rukhapan door karne ke liye zaroori hai ki adhik pani ka sevan kare, kam pani pine se aap apne balo ki nami ko kho sakti hai is liye jayada se jayada pani piyee.

Oil se kare care:

Balo ka rukhapan jald se jald door ho jaye iske liye zaroori hai ki balo me tail se malish kare. Malish karne ke liye aap ek yaa do tail ka mixture bhi istmaal kar sakti hai,,, iske liye narial aur badam ke tail ko braber matra me mila kar balo me scalp tak lagaye. Agle din mild shampoo se balo ko dhona na bhule. aap chahe to hot oil ka istmaal kar ke bhi apne baalo ko mulayam bana sakti hai. Aisa karne se baalo ki growth jaldi hogi….hair mask for frizzy hair homemade

Aloe-Vera ka kare istmaal:

Balo me aloe Vera ka istmaal kar bhi aap apne baalo ko khoobsurat aur chamakdar bana sakti hai. Yah ek trah se aap ke baalo me avoshadhi ki trah kaam karega. iski madad se aap ke baalo ka rukhapan bhi door hoga aur wah mulayam bhi ho jayege.Ise istmaal karna bhi bahut aasan hai, ise use karne ke liye aap ko bas ise kaat kar iske ander ka zel nikalna hai uske baad aap ise apne balo par easily use kar sakti hai.  iska use aap hafte me do baar kare, I’m sure yah aap ke baalo ko mulyam banane me aap ki madad karega.

Nimbu ka istmaal:

Nimbu ek kamaal ki home remedies hai iske istmaal aap sirf face par glow pane ke liye hi nahi kar sakti balki yah aap ke baalo ko bhi khoobsurat aur shiny banane me aap ki madad karega.iske liye aap ko nimbu ka ras nikal kar usein pani me milana hai aur phir use apne baalo par lagaye yah aap ke baalo ko mazbuti ke saath saath chamak bhi dega. iska istmaal hafte me 3-4 baar kare.

Dahi se kare baalo ki care:

Iske alawa aap chahe to dahi ki madad se bhi apne baalo ki suraksha kar sakti hai. Aap ko dahi me thori si fitkari milani hai, iske saath hi isme chutki bhar haldi bhi add karna hai ab inhe achche se milakar apne baalo par lagaye. yah aap ke balo se gandagi ko bahar karega jisse ki aap ke baal phir se pahle ki trah mulayam aur silky ho jayege.

Ab hum baat karenge un logo ki jinke baal itne kamjoor ho jate hai ki ant me wah girne lagte hai, iske baare me aaj main aap ko kuch home remedies bataugi jo ki aap ki madad kar sakte hai………..hair mask for frizzy hair homemade

  • Balo ke girne ki problem se chhutkara pane ke liye aap jaitun ke tail ka bhi istmaal kar sakti hai. Iske liye aap ko bas jaitun ke tail ko garam kar isme thora sa shahed milana hai aap chahe to isme dallchini powder bhi add kar sakti hai yah aap ke baal ko silky karne me aap ki help karega. khair, nahane se 10 minute pahle ise apne baalo par lagaye aur phir naha le.
  • Agar aap ke baal me rusi hai to yah bhi ek wajah hai aap ke balo ki kamjori ki aap apne baalo me kachche papite ka lape istmaal kare.
  • Dudh me thora sa besan milakar iske ghol ko baalo par lagaye. yah bhi bahut faydemnd hai.
  • Balo me ande ka use kar bhi aap iss problem se chhutkara paa sakti hai.
  • Agar aap apne balo me mehendi lagane ka soch rahi hai to aap usme anda mille aur phir use apne baalo par try kare aap ke baal zaroor girna ruk jayege.
  • Shahed ka istmaal kar ke bhi aap apne baal ko mulam banaa sakti hai, aap ko isme bas thora sa nimbu ka ras milana hai aur ise apne baalo par lagana hai aap ke baal isse khoobsurat ban jayege.

Main ummeed karti hu ki aap ko hamari aaj ki yah tips pasand aayi hogi…. Iss post se related koi bhi swaal aap humse puch sakti hai… hamein aap ke sawalo ka jawab de kar bahut khushi hogi. Agar aap ke paas bhi aise hi behtreen trike hai joki aap logo ke saath share karna chahte hai to aap hamein comment kar sakti hai… iske saath hi aap chahe to hamara yah post Hair fall control tips in hindi bhi padh sakte hai……..

Hamare aaj ke iss post ko apna pyar dene ke liye,, ise like aur share karna na bhule. Isi trah khoobsurat world ko apna pyar aur sahyoog dete rahe……..

Have a nice day/evening,,,, thank you…..

Leave a Reply

Your email address will not be published. Required fields are marked *