Dry skin care tips for winter (in hindi) – Khoobsurat World

Dry skin care tips for winter (in hindi)

Dry skin care tips for winter (in hindi)

Aksar winter ke season mein hamari skin rukhi aur bezaan ho jati hai, Aur isliye aapke liye  iski puri trah se dekhbhal karna bahut zaroori hai, Jisse ki aap ki skin ko kisi trah ki koi problem na ho aur winter mein bhi aap ki  skin rukhi na lagein. Winter ke season shuru hote hi market me kai trah ke creams and moisturizers milte hai joki hamari skin ko mulayam aur khoobsurat bnane ka dawa karti hai, Lekin kai baar unke prize itne zyada hote hai ki hamare liye unhe kharidna thora mushkil ho jata hai.

Winter ke season me Rokhi skin ki wajah se hamari skin par darkness aa jati hai aur chahra bezaan pad jata hai. Isliye winter ke season me Dry skin ki care bahut zaroori hai, Iss season me skin ki dekhbahl me jo chij sab se pahle aati hai wo hai ‘Water’.  Aksar winter ke season me hum pani avoid karte hai, Par humein aisa nahi karna chahiye. Jitna ho sakein utna pani piye taki aap ki skin winter ke season mein bhi mulayam or naram rahe.

Jin ko bhi skin se related koi shikayat hoti hai, wo hamesha apni skin ko mulayam aur naram banane ki koshish karte hai, Hum aur aap yah baat achche se jante hai ki ghar me hi aise bahut si chije hai jinka istmal karke hum apni skin ko mulayam bna sakte hai. To chaliye ab hum unhi gharelu nuskho ke bare me jaante hai jinki madad se aap apni  Dry skin ki winter me bhi care kar payege aur isse aap ki skin aur bhi jyada  mulayam ho jayegi .

Home Remedies for the dry skin:

Winter ke season me skin ki dekhbhal karna bahut zaroori hai, Thand me hamari body rukhi aur bejan ho jati hai aise me kuch aise bhi gharelu upchar hote hai joki hamari skin ko dry hone se bachate hai.

Rose & Honey

Honey hamari skin ke liye  bahut hi achcha  hai, Agar hum isse ek sahi anupat me lagaye to yah hamari skin ko aur bhi khoobsurat bna sakta hai. Yadi aap bhi apni khoobsurti ko lekar sochte hai, To gulab jal aap ke ghar me zaroor hoga. Aap ko krna yah hai ki honey ko ek  chmmch me le kar usme apne ek anupat se gulab jal milaye aur iss ko achchi trah se mila kar, apne chahre aur neck par lagaye . kuch der baad ise normal water se dhole. Yah ek kamal ka face pack hai joki aap ki skin ko mulayam rakhega.

Milk cream

Yah aap ki skin ke liye ek moisturizer ki trah kaam krta hai.  Nibu ke ras ki kuch bunde aur 1-tsp dudh ki mlai lein, Aur phir isme 4-tsp dudh milaye, In sabhi ko achche se mila kar apne hatho aur pairo par achce se lagaye . Ise 20-30 min ke liye aise hi rahne de aur phir kuch der baad naha le. Yah aap ki skin ko aur body ko clean karne ke saath-saath moisturize bhi krega.

Curd and Honey

Dahi aur shahed ke mixture ko thik se mila kar body par lagane se aap apni skin ko mulayam  bna sakte hai.  Dahi me Antioxidant paye jate hai joki dryness ko aap ki skin se dur rakhta hai aur aap ko ek komal twacha prdan karta hai.

Aloe vera gel

Skin ki care ke liye aloe vera bahut hi achchi remedie hai. Aap aloe vera ka ek ptta lein aur uske ander bhare hue jel ko nikal le . yah zel winter mein aap ki skin par hone wale dryness se aap ki skin ki suraksha krega. Yah hamari skin ke liye bahut achcha hai, aur yah baat main apne anubhav se kah rahi hu . Main bhi winter ke season me aksar ise apni skin par apply krti hu, sach me yah kafi asrdar hai.

Egg and milk

Winter ke season me Egg aur Milk ko mix kar ke chahre par lagane se chare me nami ke saath-saath chamk bhi barkrar rahti hai. Iss liye winter me yah aap ki skin ke liye kafi asrdar hai.

how to take care of skin in winter at home

Dosto winter ke season me aap ko apni skin ki care ke saath-saath ek aur basic chije hai jiska khas khyal rakhna hai. Yah ki’ Winter me aap apni skin ko skarf, sweater dastane aur bhi aisi bahut aisi chije hai jinse aap ko khud ko cover kar ke rakhna hai. Yah sabse importent chij hai joki aap ko winter me garam rakhega.

“Hum apne iss blog se puri koshish krege ki aap ko ek behtar sujhav de, taki aap har trah se apni skin aur body ko healthy aur khoobsurat bna sake.aap ko hamara yah blog kaisa laga yaa aap ko iss blog se related koi bhi question hai to Aap hamein comment section me zaroor btaye. Aur iss post ko apna pyar dene ke liye ise social networking sites jaise twitter, facebook aur Google+ par share krna na bhle. Taki aap ke friend aur family bhi khud ko winter me protect kar sakein.  Ummed hai aap ko hamara aaj ka yah blog pasand aayaa hoga” Thank you

 

 

 

Leave a Reply

Your email address will not be published. Required fields are marked *