Dandruff ke liye gharelu nuskhe in hindi – Khoobsurat World

Dandruff ke liye gharelu nuskhe in hindi

rusi hatane ke gharelu nuskheMausam badal raha hai aise me badalte mausam ke saath hi aati hai bahut si problems, Aur unmein se  kai aise problems bhi hoti hai, jo har mausam me aap ke saath hi rahti hai yaa yah kahein ki hum chahe jobhi kar le wah hamari body se jati hi nahi, Dandruff bhi unme se ek hai. yah skin me hone waali ek bimaari hai. Isme sir ke twacha (skin) par safeed papdi jam jaati hai aur yah tavcha (skin) par alag si najar aane lagte hai. Isse sir ke balo ke niche ki twacha kharab ho jati hai, Phir wah rusi ke roop me nikalne lagti hai. iske saath hi sir me khujle shuru ho jati hai jisse baalo ki health par buraa parabhav  padta hai aur last me wah girna start kar dete hai. Yah aisi problem hai jo har mausam me hoti hai isliye zaroori hai ki, balo me dandruff hatane ke upay kiye jaye taki aap ke baal bilkul thik rahe…

Ise door karne ke liye aap kya kuch nahe karte hai. kabhi tarah-tarah ke shampoo, to kabhi parlor me paiso ke barbaadi. kai beauty product dandruff se chhutkara dilwane ka wada bhi karti hai, par jaroori nahi hai ki wo apne waade ko sahi saabit kar sake aur unhe pura kare. kai loog dandruff ki problem se chhutkara paane ke liye kai tarah ke doctorey jaanch bhi lene se pichhe nahe hattein hai. iss problem se chhutkara paane ke liye kai dawaiya bhi hai. agar in sab ke baad bhi rusi ko door nahi kar pa rahe hai, to pareshaan hone ki koi baat nahi, gharelu upaayo ke oor rukh kare. aap ghar me istmaal hone wale cheezon ka upyoog karke aasani se rusi aur usse hone wali problems se chhutkara paa sakte hai. Par usse pahle hum janege, “dandruff hone ke karan” ke bareme taki aap future me isse pahle hi bache rahe…

Also Read: Eye makeup step by step with pictures

Dandruff hone ke karan:rusi hatane ke gharelu nuskhe

Baal ke saath ek Granthi (gland) hoti hai, jo hamare sir me oil banane ka kaam karti hai, ise sebum kahte hai. Sebum ek aisa taileey padaarth (oily substance) hai, jo hamari skin ko mulayam aur chikna rakhta hai. Jin logo mein ye taileey granthi adhik sakriy (active) ho jaati hai, unme taileey padaarth safeed (White) mavaad ke roop me skin ke upar aakar jam jata hai aur sookh kar kandho aur kapdo par jhadne lagte hai. Jise hum rosi kahte hai…..

Dandruff hone ke karan:

  • Mausam me badlaav, allergy
  • Poshan me kami, heavy workout
  • Pardushan, maansik tanav
  • Kai tarah ke antibiotics ka istmaal
  • Kam gudvatta waale shampoo ka istmaal

Rusi ke lakshan in hindi (Symptoms):

  • Dandruff sir ke skin me sthit mrt koshikaaon (dead cell) me paida hote hai, isliye sir me khujli rahti hai aur baal girne lagte hai.
  • Sir me daane(pock mark) ho jaati hai, iske saath hi laal chakatte (red spots) bhi padne lagte hai.
  • Sir ke chamdi ki chhote chhote tukde nikal kar baalon me jama hone lagte hai.
  • kai baar muhaase (pimple) bhi nikalte hai.

Balo me dandruff hatane ke upay:

Siraka:

Kisi ek bartan me lemon juice aur siraka (vinegar) ko braabar matra me milakar sir par malish kare. raat bhar baalo ko aise hi chhod de aur subah ande waale shampoo se baalo ko dho le.

Sirke waale paani se apne baalo ko dhoye.

Baalo ke jado me safed siraka (white vinegar) aur paani ko braabar matra me mila kar lagaye. kuch der baad jab paani aur siraka balo me achchi trah se sukh jaye, tab ande ka safed hissa fent kar lagaye. Aur kam se kam 20 minute tak laga kar rakhe. anti dandruff shampoo ko paani ke saath mila kar shampoo ko thora patla kare kyoki yahi balo me shampoo lagane ka sahi trika hai. khair iska istmaal hafti me ek baar kare.dandruff hone ke karan

Methi ka pack:

Methi ke daano ko raatbhar paani me bhigo kar rakh de. agle din iska paste banaye aur sir ki tvacha (skin) par lagaye. 30-45 minute tak laga kar rakhe aur uske baad shampoo se baalo ko dho le.

Tea tree oil:

Garam paani me ek chammach tea tree oil ko mila kar apne sir ke tvacha par malish kare aur 8-10 minute baad nimbu ke paani se baalo ko dho le. uske baad garam paani me towel ko bhigo le. paani nichod kar towel ko kuch der tak sir me lapet le. jald rahat ke liye ise aap raat me sone se pahli kare.

Masoor daal ka pack:

Masoor daal ko kuch ghante bhigo kar rakhi. phir dahi me mila kar mixer me pess le. ise apne baalo ke jado me achchi tarah se lagaye. kam se kam 20-25 minute baad baalo ko dilute shampoo se dhole, aur last me conditioner ka istmaal kare.

Neem ki patti:

Methi ke daano, neem ki patti aur pyaaj ka ras mila kar baareek paste taiyaar kare. iss paste ko apne baalo me lagaye aur 20-25 minute baad baalo ko shampoo se dhole. Aisa karne se dandruff kaafi had tak control ho jata hai.dandruff hone ke karan

Khas tips: Iske saath hi aap hamesha apne comb, towel aur pillow ko alag rakhe aur jab bhi baal dhoye, in teeno ko kisi achchi antiseptic ghool me aadha ghanta dubo kar rakhe aur sukha kar dobaara istmaal kare. inse aap ke baal khoobsurat rahenge aur aap khili khili lagegi.

Read Also: How to grow eyelashes in hindi

Ummed hai ki aap ko hamari aaj ki yah dandruff free hair tips blog pasand aayi hogi, aap ko aaj ki beauty tips kaisi lagi hamain comment kar zaroor bataye, Iske saath hi iss post ko like aur share karna na bhule, Isi trah khoobsuratworld ko apna support dete rahe…..Taki hum aap ko aisi hi majedaar tips dete rahe. 

Have a nice day/Evening, Thank you…..         

Leave a Reply

Your email address will not be published. Required fields are marked *