Christmas Chocolate cake recipe – Khoobsurat World

Christmas Chocolate cake recipe

best christmas cake recipe ever

christmas me aap apne ghar ke paas ki shop aur apne aas pass ke jagho ko khoobsurat electric lights, oil burners aur candle se raushan hota hua dekhegi. Aur agar aap bhi isi trah apne ghar ko khoobsurat banana chahti hai to ek khoobsurat sa christmas crib jaroor banaye. Aap apni trees ko balls, bells, gifts, pine trees, star, candy sticks, Santa Claus, snowflakes etc chijo se decor kar sakte hai. Ghar ko sajane ke baad baat aata hai ke kuch metha aur agar sweet dish ko ghar par hi mil kar banaya jaye to fastival ka asli maja aata hai. Isliye ham aaj aap ke liye laye hai  Christmas Chocolate cake recipe, Jise aap ghar par bhi asani se bana sakti hai. Agar ap ke ghar me oven nahi hai to koi baat nahi, aap cooker me bhi iss cake ko asani se bana sakte hai .

Read also: Christmas cake Recipe (in hindi)

Ingredients:

  • Maida -1 cup
  • Backing powder -1/2 chammach
  • Dark chocolate -40 gram.
  • Sugar powder-1 cup
  • Milk -1/2 cup
  • Egg -3
  • Makkhan -3/4 cup
  • Vanilla essence 1/2 chammach
  • Akhrot kate huye -1 chammach
  • ghee ya butter-greasing ke liye

Method:

Maida aur backing powder ko mila kar chan le. Ek bartan me kate huye dark chocolate aur milk ko dal kar dheemi aanch par pighlaye aur ab ise rakh de. Ab ek dusre bartan me sugar aur makkan daale aur unhe achchi tarah se milaye. Ab iss mishran me fente huye egg, vanilla essence, maida aur chocolate ka mishran dalkar achchi tarah se milakar mulayam paste taiyaar kar le. Agar jarurat lage to usme thoda-sa aur milk dal de. jis bartan (aluminium) me cake banana ho to usme butter lagaye aur usme thoda sa sukha maida chidak kar usme cake ka mishran dale aur upar se akhrot chidak de. cooker ko do minute tak garam kare aur usme cake wala bartan mishran sheet rakhe. cooker band kare aur uski siti nikaal de. 5 minute tak tez aanch par pakane ke baad aanch kamkar de aur 40 minute tak pakaye. cooker kholne ke baad ek baar jaanch le kii cake puri tarah se taiyaar hua hai ya nahi. Agar cake kachcha ho to 10 minute aur pakaen.

Note-
1- Cooker me aap jis bartan me cake pakani wali hai wah bartan hamesha eluminiyam ka he hona chahiye .
2- bartan ka shape hamesha cooker ke muh se chhota hona chahiye .
3- Cooker ke ander paani bilkul bhi nahi hona chahiye.
4- Kabhi bhi isme siti na lagaye.

Main ummeed karti hu ki aap ko isse thori madad mili hogi aur aapne apni family ke liye ghar par hi ek bahter cake banaya hoga. agar aap ko hamari aaj ki yah recipe pasand aayi hoto ise share karna aur like karna na bhule isi trah apna sahyoog hamein dete rahe. Thank you…..

Merry Christmas and Happy new year……

 

Leave a Reply

Your email address will not be published. Required fields are marked *