Christmas cake Recipe (in hindi) – Khoobsurat World

Christmas cake Recipe (in hindi)

simple christmas cake recipe

Hello Friends, Christmas karib hai aise mein chote bachche cake khane ki zid karte hai. Par ghar me ovan na hone ki wajah se mummy’s apne banchco ke liye cake nahi bna pati. Par aaj ke yah recipe aap ki help kar sakti hai, Hamari aaj ki yah Christams cake recipe ko banane ke liye aap ko kisi ovan ki zaroorat nahi aap iss cake ko cooker me bhi bnaa sakti hai. Yah bahut hi asaani se ban jayega. Isska flavor bahut achcha hai. I’m sure yah aap aur aapke bachche ko zaroor pasand aayega.to chaliye shuru karte hai cooker me Cake bnane ki vidhi-

traditional christmas cake

Samaagri-

  • 2 Cup maida
  • 1 Cup sugar powder
  • 1 chammach baking Soda
  • 1/2 cup butter ya refine
  • 1 cup milk
  • 1 chammach vanilla essence

Cake banane ki Vidhi-

Sabse Pahle Ande ko tabtak phete jabtak woh achche tarah se mix na ho jaye. Ab iske baad  ek bartan mein sugar aur refine ko tab tak milaye, jab tak ki sugar puri trah se ghul naa jaye. Ab isme phenta hua anda daalen. Baking soda aur maide ka mishran taiyaar karein. Usein chaane aur  dheere dheere sugar wale mishran mein daal kar milate jaye. Maida ko milane se mishran gadha hota jayega, Usein mulayam banane ke liye thode-thode matra mein dudh milate jaye. Maida aur dudh ko sugar wale mishran mein tab tak daalte rahe,Jab tak mishran thoda mulayam na ho jaye. sabse last mein vanilla essence daalen. mishran ko phir se achche tarah se milaye. Jis bartan (Aluminum ka) mein cake banana hai, Usme butter yaa refine lagakar uske upar maida chidak de. Cake banane wale bartan ka aakar cooker ke aakar ko dhayan mein rakhte hue chune. pressure cooker ko do minute tak garam karen . ab cake ke mishran wale bartan ke andar rakhe . cooker mein jara-sa bhi paani na ho. cooker ko band kare. uske siti nikaal de. do minute tak cake ko tez aanch par pakaen, phir aanch kam kar de. Cake ko 40 minute tak pakaein, phir gas off karde, par cooker ko turant na khoolen. 10 minute baad cooker khool kar dekhen ki cake puri tarah se taiyaar hua hai ya nahe. yah jaanchane ke liye aap ek chaaku ko cake mein daal sakte hain, agar chaanku mein cake naa chipake to samajh lijiye ki cake pak chuka hai. Ab cake ko nikaalen aur apne tarike se decore kare .

Ummed hai ki aap ko aaj ki yah recipe pasand aayi hogi. Agar aap ko yah recipe pasand aayi hi to Ise share karna na bhule aap chahe to hamein follow bhi kar sakti hai.Iske saath hi, aise hi latest update ke liye aap hamein follow bhi kar sakti hai hamein follow karne ke liye Khoobsuratworld Facebook page par jaye aur hamein follow kare.

Wish you a happy Merry Christmas. Thank you…...

Leave a Reply

Your email address will not be published. Required fields are marked *