Bleach Banane Ke Gharelu Upay | Homemade Bleach For Face in Hindi

Bleach banane ke gharelu upay

Tavcha ko nikhaarne ke liye bahut se product baazaar me milte hai jinme jyadatar sabhi yahi dawa karte hai ki unke product ke istmaal se aap ki tavcha me kaafi nikhaar aayega aur wah ekdam se chamak uthegi. lekin jaankaaro ke mane to baazaaro me milne waale bleach cream chahare ke liye haanikaarak ho sakte hai. inme kai tarah ke chemical mile hote hai jo shuru me positive result dete hai, lekin baad me tavcha par bura prabhav daalta hai. iss samasya se bachne ke liye achcha hai ki aap ghar par hi bleach banayen. yah na sirf sasta padega, balki aapke tavcha ko prakratik roop se nikhare ga. 

Ham sabhi ki skin alg alg hoti hai jaise kisi ki dry to kisi ki oily to isi liye zaroori hai ki hum har trah se apne skin ki protect kare taki wah swasth rahe, Isliye aaj hum aap ke liye laye hai Bleach banane ke gharelu upay jinki madad se aap ghar par hi aasani se bleach banaa payegi. To chaliye jaante hai: home made bleach for face

Homemade Bleach for face in Hindi: 

1. Haldi aur nimbu ka paste: 

Ek haldi ko grinder me bareek pess le aur ab us powder me lemon juice mila le. ab ise apne face par laga kar, ise 10-15 minute ke baad normal pani se dhole. hamesha iss baat ka dhayan rakhna ki baazaar me milne wale haldi powder ko na kharide kyunki isse chehre par rashes par jaate hai. isliye hamesha khada haldi hi kharide aur ghar par hi peese kyoki yahi sahi treeka hai.

bleach karne ke gharelu nuskhe

2. Tomato paste: 

Tamatar Vitamin C’ ka achcha source hai. ise chahre par lagane se chahre ki chamak badhti hai. khair,, Ab ek tamatar ko aadha kaat le aur uska beez nikaal le. usme kuch chammach dahi ko mila le. ab iss paste ko apne chahare par lagaye aur ise tab tak laga kar rakhe jab tak yeh achchi tarah se sukh na jaaye. uske baad halke gungune paani se chahra dhole.

bleach karne ke gharelu nuskhe

3. Santre ka chhilka (Orange peel):

Santre ke chhilke ko dhup me sukha kar mixer me bareek pees kar powder bana le. us powder me thodi si malayi mila kar paste banale. ab iss paste ko apne chahre aur gardan par lagaye aur usein 10 minute tak laga kar rakhe, phir saaf paani se dhole. kisi bhi parkar ke khatte fal aur sabji ka istmaal prakratik bleach ka kaam karta hai. 

Note: Jin ki skin dry hoti hai wah winter ke season me me apni skin par nimbu, Ambla, yaa phir aisi kisi bhi chij ka istmaal na kare jo bahut khatti hoo.

4. Papita aur kachcha dudh:

Jin logo ke chahre par kalapan hai, unke liye yah bahut hi faydemand hai . kuch hafti tak rozana iska istmaal karne se chahre ka kalapan door hone lagta hai. ek katori me pake huye papite ke kuch tukde ko dale aur ab usme 1-2 chammach kachcha dudh mila le. ab iss mishran ko achchi tarah se mixer me dalkar bareek paste taiyaar kare. iske baad ise apne pure chahre par lagale aur 15-20 minute tak laga kar rakhe. uske baad saaf paani se chahra dhole.

5. Masoor ke daal:

Agar aap ka chahra oily hai to yah pack aap ki skin ke liye ek bahtar option hai. ise banane ke liye masoor daal ko mixer me bareek pess le. ab isme gulab jal mila le. iss paste ko apne chahre par lagaye. ise 15-20 minute tak laga kar rakhe aur uske baad paani se dho le. yah na kewal aapki tavcha ke oily skin ko control karne me madad karta hai balki garmi me hone wale tain ki samasya se bhi chhutkara dilata hai.

6. Olive oil aur chini ka scrub:

Olive oil aur chini ko achchi tarah se mila le. phir ise apne chahare par halke haatho se scrub kare aur ise tab tak scrub kare jab tak chini aap ke skin tak ghul na jaye. isse chahara bilkul chamak uthega. Aur dhire dhire khud apne chahre me fark mahsoos karegi.bleach karne ke gharelu nuskhe

7. Aalu ka pack: 

Aalu prakratik bleach ka kaam karta hai. isse aap ke chahare ke daag-dhabbe door hote hain. 

Oily skin: Aalu ka chhilka utaar le aur use bareek pess le. ab isme 4-5 bond gulab jal dale aur 2-3 chammach lemon juice dalkar achchi tarah se mix kare aur ise apne chahare par lagaye. 15-20 minute baad chahara ko paani se dho le.

Dry skin: Aalu, gulab jal aur honey ko milakar bareek paste taiyaar kare aur ise apne face par lagaye. kuch deer baad chahare ko paani se dho le.

Main Ummeed karti hu ki aap ko hamari aaj ki yah beauty tips pasand aayi hogi in sabhi home remedies ko aap aasani se istmaal kar sakti hai yah aap ke skin ke liye kisi trah ka ko khatra nahi banege, Lekin ha har chij ka istmaal limit me kare…. Kyoki apne skin ki care karna hamari khud ki jimmedari hai….

Agar aap ko hamari aaj ki yah tips pasand aayi ho to ise like aur share karna na bhule aap apna pyar isi trah khoobsuratworld ko dete rahe,

Have a nice day,, Thank you….

2 thoughts on “Bleach Banane Ke Gharelu Upay | Homemade Bleach For Face in Hindi

  • April 17, 2018 at 7:43 am
    Permalink

    Mam, aapne bahut achche se bataya uske liye thank you. Aapse ek sawal puchhana hai, kya mein lemon juice ka istmaal kar sakti hun, lekin meri skin bahut dry hai. usse koi problem to nahi hogi.

    Reply
    • April 18, 2018 at 5:15 pm
      Permalink

      Thank you……
      Aap ki skin dry hai isliye yadi aap lemon juice ka use kar rahi hai to usein direct use na karke aap usein papaya ya honey ke saath istmaal kare yah jayada behtr hai.

      Reply

Leave a Reply

Your email address will not be published. Required fields are marked *