Apni Zindagi Ko Behtar Kaise Banaye – Khoobsurat World

Apni Zindagi Ko Behtar Kaise Banaye

Apni Zindagi Ko Behtar Kaise Banaye

Hum sabhi apne aane wale kal ko behtar banane ke liye rooz kitni mehnat karte hai, par kya kabhi apne aaj ke bare me sochate hai? nahi na…. par sochiye agar hum aaj me hi khush nahi rahege to future ka kya, usein hum me se kisi ne nahi dekha hai. Kya pata kal hum ho yaa na ho. isliye apne aaj ko khushiyo se bhare  aur apne bare mein, apno ke bare me soche. Phir dekhiyega kaise aap ki life me khushiyo ki saogaat aati hai. Main to hamesha yahi sochati hu ki hamara kiya gaya har ek achcha kaam hamein hamare sapno ke kareeb le jata hai aur usein pura karne ki himmat deta hai. To iss liye apne daily routine time se thora waqt nikalein.. aur kuch apne liye kare, “wah jo aap ko khushi dein” Ab sawal uthta hai ki hum kya kare ki jo hamein dil se fresh kar sakta hai. main sabhi ki trah to nahi soch sakti par koshish zaroor kar sakti hu. To chaliye phir jante hai kuch aise hi thought of the day jo har din ke saath aap ko behtar feel karayega.

(How To Make Life Beautiful) Din Ko Achcha Kaise Banaye:

Think good for yourself:

Jab hum kisi ko dekhte hai aur wah achcha dikhta hai, to hum kahte hai na… ki yarr wah kitna achcha lag raha hai. To hum yahi baat apne liye kyu nahi kahte. subah subah uth kar achche se taiyaar ho kar aur shishe me khud ko dekhte waqt sirf ek baar khud se kahe, ” i’m beautiful/handsome” Trust me aap ko bahut achcha lagega. Just Try 🙂

Read also: Daily skin care routine at home

Start Work Without Time Waist:

life style

Hum hamesha apne important kaam ko kaise aage badhate jate hai. ” Aaj nahi, kal kar lege kaon sa kal kayamat aane wali hai 🙂 ” yahi kahte hai na… par kyu?  Aaj kyu nahi kar sakte. Aap ka pata nahi par main hamesha yahi karti hu, na jane kitne aise kaam hoge mere jinhe lein kar hamesha mujhe ammi se daat padti hai par phir bhi main unse yahi kahti hu “kal kar dugi”

Par aap ko pata hai aisa kar ke hum apna kitna sara time waist kar dete hai. iss liye jo bhi kaam pending pada ho usein pahle aur time par kare. phhir dekhiyega aap khud me halkapn mehsoos karegi.

Giving Thanks To God:

4020406-kobieta-900-600

Jab hamein koi preshani hoti to kaise hum uper wale ko yaad karte hai taki wah hamari problem solve kar dein, To yahi chij hum tab kyu nahi karti jab wah hamari saari muraade puri karta hai, hamein har trah se khush rakhta hai.  Kisi ko thank you bolna specially God ko, ek postive felling ka ahsaas karati hai aur yahi ahsaas hamein ander se khushi deti hai. To din ek baar nahi balki kai baar zaroor kahe “Thank you God For everything! Trust me” bahut sukoon milega.

Feel Everything Is Beautiful:

Nature ki traf dekhte huye yah kahna ki “aaj ka din bahut khoobsurat hai” ek hope deta hai, ander se ek achchi aur peace full wali felling aati hai. Kabhi kah kar to dekhiye, yakin kare aap ko bahut achcha lagega aur aap ka din bhi achcha bitega. Try this 🙂

read also: What Is Yoga & Its Benefits In Hindi

Say good words to make your friend & family happy:women-laughing

Agar hum apne din ko ko achcha banana chahte hai to hamare liye yah bahut zaroori hai ki pahlein hum dusro ka din achcha banaye, Ab aap khudi sochiye koi agar hamein kahta hai ” You look beautiful today” “your smile is so beautiful” to kitna achcha lagta hai na. To phhir bas apne dosto ko dekh kar unse wah baat kahe jo aap ko unmein pasand hai.  & trust me jab aap usein koi achcha sa compliment dege na to uske face ki muskaan aap ko bahut sukoon degi.

Say To Yourself.. My Life Is Precious:

Aap ko pata hai hamari sabse badi problem kya hai, ki hum apni zindagi ki kimat nahi samjhte.. aur khud se kahte rahte hai “yarr zindagi kitni boring hai, kya rakha hai iss zindagi me. Aur aap jante hai aisa kyu, kyuki humne ise pane ke liye koi mehnat nahi ki hai iss liye hamein iski kadar nahi. Par aisa nahi hai. Nazariya badliye zindagi khud ba khud khoobsurat ho jayegi. iss liye rooz khud ko remind zaroor karaye ” my life is precious”

read also: Alia Bhatt Beauty Secrets

Help someone everyday:peace3

Jab kisi ki madad karne ki baat aati hai to hum sochte hai ki hum itne ameer hi kaha jo kisi ki madad kare par aisa nahi hai, maine kahi pada tha ” Madad karne ke liye dhan (paise) ki zaroorat nahi hoti balki ek achche mn ki zaroorat hoti hai” aur yahi such hai. Ab aap hi sochiye agar aap problem me hai aur koi aap ke paas aa kar kahe “May i help you” to kitna achcha lagta hai, par aap se jayada khushi usein hogi jisne aap ki help ki hai, Kyuki usne ek achcha kaam kiya. Iss liye agli baar agar aap ko koi problem me dikhe to usse zaroor puche ” Kya main aap ki kuch help kar sakti hu” 🙂

Don’t Give-up:

Aap ko pata hai, zindagi me hum harte kab hai jab hum khud se kahte hai ” Mujhse yah nahi hoga” Maine yah nahi kar sakti” par ek baat hamesha yaad rakhe duniya me aisa koi kaam nahi hai jo aap nahi kar sakte. So don’t give-up aur uss pal me jab aap haar manne lagte hai,, khud se kahe ” i can do it” main yah kar sakti hu. and believe me, aap ko bahut khushi milegi yah kah kar.

Read also: Body Ko Fit Rakhne Ke Liye Tips and Tricks

To yah rahi kuch choti aisi batein jo aap ko dil se khush kar sakti hai. Main koi philosopher nahi hu bas aap ki trah ek normal ladki hu, jo bakiyo ki trah hi galtiya karti hai. Aur aap ke saath saath mujhe bhi in baato par gaor karna chahiye aur jitna ho sakein in par aml bhi. iss liye ek baar koshish zaroor kare. Kya pata aap ki life ka har pal khoobsurat ban jaye. 🙂

Hamesha makeup aur beauty ki batein karne wali khoobsurat aaj aap se kahna chahti hai “Beauty is inside your heart” ek baar usein tlashne ki koshish to kare. Aap ko hamara aaj ka yah article kaisa laga hamein comment kar zaroor batayein saath hi ise like aur share karna na bhulein. Thank you…. 🙂

2 thoughts on “Apni Zindagi Ko Behtar Kaise Banaye

  • August 14, 2018 at 12:53 am
    Permalink

    Zabardast blog… Kaafi zaruri hai yeh sab zindagi mein le kar ana, khaas taur pe madad aur thanks wala point! bohot pasand aya.

    Reply
    • August 14, 2018 at 8:42 am
      Permalink

      Thank you Ashna 🙂

      Reply

Leave a Reply

Your email address will not be published. Required fields are marked *