Aankho Ko Sundar Banane Ke Tarike – Khoobsurat World

Aankho Ko Sundar Banane Ke Tarike

Aankho Ko Sundar Banane Ke Tarike

Aankhe hamein aur bhi jayada khoobsurat banati hai, Isse koi fark nahi padhta ki aap ki aankhe chhoti yaa badi…. Aap iss baat ko hamesha yaad rakhe ki aap khoobsurat hai, Aur bas aap ko kisi makeup ki zaroorat nahi. Bas zaroorat hai thore badlav ki jaise agar maan lijiye ki aap ki aankhe thori chhoti hai to lekin aap agar apni palko ko thora ghana kar le to isse aap ki khoobsurati aur bhi jayada badh jaye gi yaa phir aap ki ankhe badham shape me hai to thori ghani eyebrow usein aur bhi jyada khoobsurat banane me aap ki help kar sakta hai………..

Aisi hi bahut saari chije aaj hum aap ko apne blog me batayege, jinki madad se aap apni aankho ko aur bhi jyada khoobsurat bana sakti hai. To chaliye phhir jante hai kuch behtreen trike jo aap ki aankho ko khoobsurat banane me aap ki madad karegi……

Read alsoHairstyle for Girl step by step in hindi

Aankho ko sundar kaise banaye:

Aankho Ko Sundar Banane Ke Tarike

Aankho ko sunder banane ke bahut se tarike humne aap ko pahle bhi kai baar bataye hai jinme humne aap ko makeup ke jariye inhe kaise khoobsurat banaye iss bare me kai saari jankariya di hai, Agar aap apni aankho ko ek khoobsurat bold look dena chahti hai to aap hamara yah post [Eye makeup step by step with pictures] padh sakti hai. Yaha aap ko aankho ko makeup ke zariye kaise khoobsurat banaya jaaye, yah padhne ko milega…Aur agar aap apni aankho ko glitter look dena chahti hai to aap yah post [Beautiful Glitter Eye Makeup] padh sakti hai.

Ab tak humne aap ko makeup se related jankariya di hai, par aaj main aap ko kuch behtreen home remedies bataugi joki aap ki aankho ko khoobsurat banane me aap ki madad karege. To aankho ko khoobsurat banane me sabse pahle aataa hai khoobsurat palke…….

Palko ka ghana aur khoobsurat hona bahut zaroori hai, kyoki jinki palke ghani aur khoobsurat hoti hai, unki aankhe agar chhoti bhi hai to bhi wah khoobsurat dikhegi……

Read also: How to roll hair at home without rollers in hindi

palko ko ghana karne ke upay:

Olive oil (jaitun ka tel):

Olive oil palko ko bada karne ke liye bahut faydemnd hai, aur iss baat se main puri trah agree karti hu, main apni palko ko khoobsurat banane ke liye raat ko sone se pahle iss ka istmaal karti hu yah thand ke season me bahut zaldi asar karti hai. ise apply karne ke liye raat ko sone se pahle thora si ruyi me olive oil lagaye aur ise apni aankho ke uper eye-lashes par lagaye. yah palko ko badha karne ke saath saath aap ke aankho ki darkness ko kam karne me bhi aap ki help karega.

Castor oil (aarandi ka tel):

Castor oil hamari hair follicles ke liye bahut laabhkari hai. yah aankho ko ander tak poshan deta hai jisse aap ki aankhe na sirf dikhne me khoobsurat lagti hai balki uski roshani bhi badhti hai. ise aap apni palko par agar lagayegi to aap ki palke ghani aur khoobsurat banegi… ise ruyi ki madad se apni palko par halke haatho se lagaye.

Raat ko makeup remove karna:

Raat ko sone se pahle aankho ka makeup hatana hatana bahut zaroori hai, Agar aap ne apni aankho par maskara lagaya hai to sone se pahle ise zaroor makeup remover ki madad se clean kare. yah bhaut bhari hota hai joki un logo ki aankho ke liye bilkul thik nahi jinki aankho par ise use karne se jalan hoti hai. Aap raat ko sone pahle ise makeup remover yaa phir saaf paani ki madad se clean kare aur phhir aankho par olive oil se masaz dein.

Petroleum jel:

Palko ki growth karne me yah bahut laabhdayak hai. aap Vaseline jel ko raat ko sone se pahle apni palko par lagaye, ise rooz apni palko par apply kare aap ki palke dhire dhire ghani ho jayegi, aur khoobsurat bhi……

Green tea:

Green tea health ke liye bahut fayademnd hai, aap ko yah use karne ke liye aap ko ise bina sugar ke sada hi banana hai aur phhir ise apni palko par ruyi ki madad se lagana hai. Yah aap ki palko ki growth me madad karegi.

Ab hum iske baad baat karege eyebrow ki kai baar aap ne dekha hoga ki kuch logo ki eyebrow bahut halki hoti hai jiski wajah se unki aankho ke uper khalipan sa dikhta hai agar aap ke hisab se aap ki aankho ka look achcha nahi hai to iski ek wajah eye brow bhi ho sakti hai agar aap ki eye brow moti hai to aap use trim karwa sakti hai taki wah shape me aa jaye lekin agar wah halki hai to iske liye aap ko kuch chije hai jinhe follow karna hai yah aap ki eyebrow ko ghane karne me aap ki help karegi.

Eyebrow ghani karne ka tarika:Aankho Ko Sundar Banane Ke Tarike

Nariyal ka tel:

Nariyal ka tel palko ko badha karne me ek natural upaye hai. raat ko sone se pahle apni eyebrow par narial tel se 5 minute tak malish kare kuch hi dino me aap ki eyebrow ghani ho jayegi.

Nimbu:

Nimbu ke ras ko nariyal ke tel me mila kar apni eyebrow par thori der ke liye rakhe aur phhir ise apni kuch der baad dho lein lekin yaad rakhe iska istmaal raat ko hi kare, ise din me yadi lagaya hai to dhup me na nikle aankho me jalan ho sakti hai.

Arandi ke tel se:

Arandi ke tel se apni eyebrow par malish kare 20 minute tak ise aise hi rahne de aur phhir jab yah sukh jaye to pani ki madad se dho lein, Iska istmaal kuch mahino tak lagatar kare aap ki eyebrow khoobsurat aur ghani ho jayegi.

Read also: Sendel Jo aap ki Personality ko suit kare

To friends yah rahe kuch behtreen aankho ko sundar banane ke tarike jinki madad se aap apni aankho ko aasani se khoobsurat banaa sakti hai. Agar aap ko eye makeup se related koi bhi jankari chahiye ho to aap hamara yah post [Eye shadow Use Karne Ka Tarika] pad sakti hai yaha aap kis trah se ek perfect eye-shadow lagate hai; iss bare me jaanegi.iske saath hi agar aap ki aankho ke niche dark circles hai aur aap unse chhutkara chahti hai to hamara yah post [Home remedies for dark circles under eyes fast] padh sakti hai…..

Aap ko hamara aaj ka yah post kaisa laga, hamein comment kar zaroor bataye. Iske saath hi hamare aaj ke iss post ko apna pyar dene ke liye ise like aur share karna na bhulein. Isi trah hamein apna sahyoog dete rahe. 

Thank you, Have a wonderful day…..

One thought on “Aankho Ko Sundar Banane Ke Tarike

  • March 11, 2018 at 6:33 pm
    Permalink

    आपकी बातें बहुत अच्छी लगी और आपका हर आर्टिकल मुझे बहुत अच्छा लगता है

    Reply

Leave a Reply

Your email address will not be published. Required fields are marked *